Лукашэнка пракаментаваў чуткі пра сваё здароўе

2 жнiўня 2024 у 1722594360
«Зеркало»

Аляксандр Лукашэнка падчас сустрэчы з жыхарамі аграгарадка Прудок пракаментаваў чуткі пра сваё здароўе, перадае прэс-служба.

Аляксандр Лукашэнка падчас візіту ў Мазырскі раён, 2 жніўня 2024 года. Фота: president.gov.by

Тэму здароўя палітык пачаў здалёк. Размаўляючы з жыхарамі аграгарадка Прудок, ён паскардзіўся, што апаненты абвінавачваюць яго ў карупцыі.

- Выпрацавалі праграму: перш за ўсё трэба паказаць, што прэзідэнт абкрадаў усіх. Я проста пра гэта кажу: калі ласка, забярыце! Забярыце мае грошы. Кажуць, у Эміратах - едзьце, забярыце. Цяпер грошы схаваць немагчыма, - падкрэсліў Аляксандр Лукашэнка, дадаўшы, што ў яго «браць няма чаго».

Ён адзначыў, што «некаторыя людзі прывыклі разважаць так: калі чалавек ва ўладзе, то ён абавязкова дзесьці нешта скрадзе».

- Раз «злодзей» не праходзіць, значыць, здароўе - памірае. Мяне хаваюць ужо гадоў 25 дакладна. Ды я не збіраюся. Я ў Бога прашу толькі аднаго: каб і далей так было са здароўем.

Нагадаем, 5 ліпеня вядоўца праграмы «И так далее…» на тэлеканале «Дождь» Міхаіл Фішман паведаміў са спасылкай на свае крыніцы, што стан Лукашэнкі падчас візіту на саміт Шанхайскай арганізацыі супрацоўніцтва ў Астане пачаў «рэзка пагаршацца на вачах ва ўдзельнікаў» форуму.

- На наступны дзень, у чацвер, ён выступаў на саміце, сустракаўся з кіраўнікамі дзяржаваў, але відаць, што ён выглядае горш, чым два дні таму, і напярэдадні, калі ў вайсковым кіцелі прымаў парад у Менску. Твар бледны, блішчыць, маўленне не вельмі ўпэўненая, - сказаў Міхаіл Фішман.

Ужо 7 ліпеня на свяце «Александрыя збірае сяброў» Аляксандр Лукашэнка паскардзіўся на стомленасць праз высокую нагрузку ў ліпені.

Чытайце таксама