Камітэт дзяржкантролю заклікаў беларусаў не выязджаць за мяжу, каб за «нязначнае ўзнагароджанне» аформіць даверанасці на малазнаёмых замежнікаў: перададзеныя такім чынам персанальныя звесткі могуць выкарыстоўвацца са злачыннымі мэтамі.
У ведамстве адзначылі, што выпісаныя даверанасці дазваляюць адкрываць рахункі ў замежных банках, атрымліваць аплатныя банкаўскія карткі, распараджацца грашовымі сродкамі, афармляць сім-карты.
«Фінансавыя інструменты, якія дае такая даверанасць, могуць выкарыстоўвацца з супрацьпраўнымі мэтамі: махлярства, гандаль наркотыкамі, падрыхтоўка і здзяйсненне тэрарыстычных актаў. За перадачу персанальных звестак з карыслівымі мэтамі прадугледжаная крымінальная адказнасць аж да дзесяці гадоў пазбаўлення волі», — папярэдзілі ў КДК.