У Беларусі з 3 траўня зноў падаражэе аўтамабільнае паліва. Пра гэта паведамляецца на сайце «Белнафтахіма». Гэтае павышэнне цэн — восьмае з пачатку года.
З 3 траўня ўзровень максімальных рознічных цэн на маторнае паліва на АЗС Беларусі змяняецца на 2 капейкі.
Цана аўтабензіну АІ-92-К5-Еўра складзе 2,5 рубля, АІ-95-К5-Еўра — 2,6 рубля, АІ-98-К5-Еўра — 2,82 рубля, а дызельнага паліва — 2,6 рубля.
Нагадаем, раней «Белнафтахім» паведаміў пра паэтапнае павелічэнне цэн на 16 капеек за літр, з крокам дзве капейкі на тыдзень — пачынаючы з 15 сакавіка. З таго часу паліва 3 траўня падаражэе восьмы раз. То-бок ёсць імавернасць, што на гэтым павышэнне цэн скончыцца — як мінімум на нейкі час.
Раней Нацбанк заяўляў, што рэгулярнае павышэнне цэн на паліва на 1 капейку (тады іх падымалі менавіта на столькі) правакуе рост інфляцыйных чаканняў насельніцтва і прадпрыемстваў.
Чытайце таксама
